2014年4月4日
這天水太太和水爺到了柴灣青年廣場Palco Ristorante 吃午飯
事前已做好功課，得知這間是柴灣裡幾乎是最高好評的一間餐廳，當然帶點期望
甫來到，見到這裡是意大利式的佈置，很歐陸小店feel
我們沒有訂座，但幸好我們在1:00前已到達，尚有少量座位
坐下後侍應很細心地取多一張椅讓水太太放手袋，讚﹗
我倆點了都是set lunch
先來一個歐陸式的飽，很香，帶點咸味，亦很鬆軟
之後是南瓜忌廉湯，是不太稀不太濃稠的一種，味道很好，帶少許南瓜粒
清新的沙律帶一片咸肉腸片，yummy!
水太太點了野菜千層麵，賣相中非常漂亮
原本水太太以為野菜是類似菠菜之類的，但原來是茄子﹗
只怪水太太沒有問清楚，最後與水爺的調換了（wakaka~~）
但水太太相信喜歡吃茄子的，這千層麵應該是很討好的
千層麵亦是很彈牙的，汁料也美味，是用心的一道菜
水太太最後吃了水爺點的帶子意大利飯
意大利汁全部包著飯粒的，而飯粒真的帶點煙靵
帶子用牛油煎得超美味
菇粒ok，不算是很新鮮的味道那種，也許與飯粒相比，這菇粒顯得不特別了
連飲品的，加一後每位約$90，可算是值回票價了
Palco Ristorante
地址：柴灣柴灣道238號青年廣場4樓
電話：2618 8383
***
Old Blog: http://www.weshare.hk/mrswater
Facebook: http://www.facebook.com/mrswater.blog
Email: mrs.water@ymail.com
水太太近來多去港島東呢？！
回覆刪除青年廣場小禺未去過，看來份量比較小，水爺夠飽嗎 :p
係呀，因為有幾日去o個邊上training，難得出城，想食d好野~~
刪除歐陸式麵包好吸引~~我老公好LIKE 食架~!
回覆刪除呢隻歐陸式麵包都真係好好味，上面仲有少少芝麻咁，yummy!!
刪除有上去睇過.門口貼左好多明星相...
回覆刪除係呀，其實同pakco係咪真係有關係既呢？
刪除呢個價錢唔錯喎，柴灣變年青了！
回覆刪除難得柴灣呢個老人區竟然有咁高質素既餐廳﹗
刪除嘩，妳真係有心，途長路遠由新界西去香港東食嘢！！
回覆刪除據聞好似係社企餐廳哦！
皆因最近要去港島東上training~~ 難得出城緊係要食好d~~
刪除我唔知呢間係咪社企餐廳喎，好似冇咩介紹~~
之前報紙有個專欄，係金牌經理人 Paco 寫嘅，佢一早已經介紹，呢排喺巴士度都見到介紹，佢老闆大廚仲成日上 NowTV 做節目。
刪除哦~~ 原來係咁﹗咁呢間社企係幫咩人架？青年人？
刪除咁呢間社企都好成功喎，d客唔係因為佢係社企而幫襯，而係真係覺得食物同服務質素好而去幫襯~~
下次有機會再去食下先﹗yumm~~
好似係啲邊緣青年，但真係唔係好記得喇！
刪除個大廚老闆之前應該係酒店高級廚師嚟㗎！妳上網 search 下資料，我怕我老人癡呆發作呀！
好呀，謝謝你﹗
刪除水太太唔好客氣啦！
刪除呢間我同蝸牛先生都好鐘意
回覆刪除你地都食過喇？呢間口碑真唔錯呢，水太太一直好想試，到今日先有機會﹗因為實在太遠了~~
刪除真係幾好咁喎~
回覆刪除唔錯，聽講係社企添﹗
刪除